Ferrero-дағы әртүрлілік, теңдік және инклюзивтілік
Ferrero компаниясы барлық қызметкерлер үшін олардың жақсы қабылдануын және бағалануын, әрі бірдей мүмкіндіктерге ие екенін сезінетін әртүрлі және инклюзивті мәдениетті қалыптастыруға міндеттенеді. Барлық адамдарымыздың өзінше теңдей талантты екеніне сенеміз. Жұмыскерлеріміздің білімге құмарлығы мен табиғи қабілеттерін дамытуға қолғабыс ете отырып, біз оларға Ferrero-да өз жолын салуға мүмкіндік бере отырып, ұрпақтан ұрпаққа жеке және кәсіби жетістікке жетумен қамтамасыз етеміз. Таланттарымыздың әртүрлілігі жұмыс ортамызды көпмәдениетті, инновациялық және жақсы төленетін орта етеді.
Ferrero-ның әртүрлілік, теңдік және инклюзивтілік (DE&I) стратегиясы 2030 жылға ғаламдық басымдықтар мен мақсаттарды анықтауда түсбағдар ретінде қызмет ететін бес аспектіге құрылған: Жыныс, ұлт, ұрпақтар, жұмыс мәдениеттері және мүмкіндігі шектеулі жандар
Осы негізгі бағыттар БҰҰ Тұрақты даму мақсаттарымен байланысты.
Ferrero-да әрекеттерді іске асыратын DE&I командасы бар. Команда құрамы:
- ғаламдық әртүрлілік, теңдік және инклюзивтілік жөніндегі менеджер.
- Аймақтық әртүрлілік, теңдік, инклюзивтілік (DEI) өкілдері жергілікті аймақтың алуан түрлілікке, теңдікке, инклюзивтілікке қатысты жұмыстарының алға басуын қамтамасыз етеді, үйлестіреді және басқарады.
- DE&I кеңестерін біздің 150 аса аға жетекшілер қолдайды.
Ғаламдық басымдықтар мен ұмтылыстарды анықтағанда бізге түсбағдар ретінде қызмет ететін бес критерийіміз бар.
Ғаламдық жұмыс күшіміздің әртүрлілігі
- 141 ұлт өкілі
- Люксембургтегі Casa Ferrero штаб-пәтерінде 63 ұлт өкілі
- Жұмыс күшіндегі жалпы әйелдер үлесі: 43%
- Бөлім жетекшілері лауазымындағы әйелдер: 33%
(Белсенді қызметкерлер, Қаңтар 2023ж.)
«Бизнестегі басым бағыттарымызға сәйкес келу үшін таланттарымыздың толық ауқымында құрылған инклюзивті компания мәдениетін жасауды маңызды деп білеміз. Сондықтан біз бүкіл әлем бойынша талмай жұмыс істеп, сенім, құрмет, әртүрлілік, барлығына мүмкіндік бар мәдениетті ұсынамыз..»
Джованни Ферреро, директорлар кеңесінің төрағасы
«Әртүрлілік, теңдік және инклюзивтілік жай ғана жауапкершілік емес, бұл бизнестің қозғаушы күші әрі алдағы жылдардағы табыстылығымыздың басты факторы. Инклюзивтілікті күшейту тиесілік сезімін және бәсекелестік артықшылығымызды арттырады.»
Лапо, Чивилетти, бас директор
ӨЗГЕРІСТЕР ЖАСАУҒА КӨМЕКТЕСЕТІН СЕРІКТЕСТЕРМЕН ТАНЫСУ
Catalyst – бұл әйел адамдарға жұмыс орнын ашуға жәрдемдесетін коммерциялық емес ғаламдық ұйым. Бірқилы, нақты мәліметтерге жүгінген зерттеулердің, практикалық тұрғыдан оқытудың және әлемдік кластағы ауқымды кітапханалық ресурстардың көмегімен Catalyst ұйымы басқа ұйымдарға білім деңгейін арттыруға, инклюзивті көшбасшылық дағдысын және ұйым ішінде өзгерістер енгізіп тұруды қалыптастыруға көмектеседі.
Ferrero компаниясы Catalyst ұйымындағы Measuring for Change қауымдастығын ұйымдастырушы болып табылады және DE&Iбойынша іс-әрекеттерімізді өлшеу үшін келісілген негізгі өнімділік индикаторларын пайдалануға ұмтылады.
Country Navigator (CN) – мәдени зияткерлікті жақсартуға көмектесетін әлемдік жетекші мәдениетаралық, онлайн платформа. Мәдени профильді бағалау, инклюзивті оқыту арқылы және ел ішіндегі ресурстардың көмегімен Ferrero қызметкерлері халықаралық жұмыс орындарында табысты жұмыс істеу үшін маңызды мәдениетаралық құзыреттерге үйретіледі. "
Business Disability Forum (BDF) – мүмкіндіктері шектеулі жандардың мүдделерін есепке алатын әлемді жасауда компаниялармен жұмыс істейтін коммерциялық емес мүшелік ұйым.
Бұл серіктестік Ferrero-ға BDF ұйымдары желісінің үздік тәжірибелерімен бөлісу және жұмысқа алу, мүмкіндігі шектеулі жұмыскерлерді жұмыс орнында сақтап қалу және тосқауылсыз ұйым құру бойынша мамандарының кеңесін беру арқылы қолдау көрсетеді.
Тәсіл DE&I
Біздің DE&I бойынша қолданатын тәсіліміз – барлық қызметтердегі, елдердегі және деңгейлердегі Ferrero жұмыскерлерін қатыстыра отырып, ауқымды әрі тиімді нәтижеге жеткізетін бастамалармен әрекеттерді күнделікті жұмыстарда іске асыру үшін мүмкіндіктерді анықтау.
Біздің саясат жәбірлеушілік не кемсітушілікке жай қарап тұра алмайды. Жаңсақ пікір қаупін азайту және DE&I бойынша позициямызды көрсету үшін саясаттарымыз бен процедураларымызды қайта қарастырамыз.
Біз ақпараттандыруды арттыратын, әртүрлілікті көтермелейтін және тосқауылдарды жоятын бастамалар арқылы инклюзивтілік мәдениетін алға жылжытуға бағыт алдық. Біз қызметкерлер туралы мәліметтерді ұсыну тұрғысынан да, қызметкерлеріміз арасында сауалнамалар жүргізу тұрғысынан да, мүмкін болған жерде жетістіктерімізді өлшеуге ұмтыламыз.
